-واحد مجنون بالرسوم المتحركة مات باباه كتبلوا في قبروا the and
-واحد حراق لاسبانيا بعد عام كلم باباه في الدشرة قالوا بابا راني تزوجت وجاني الايدز عفانا الله منه قالوا باباه وعلاه ما سميتوش على جدك العلواني
-واحد مجنون ولدت مرتوا توام جن رجلها وقالها شكون اب الطفل الثاني
-كاين زوج ركبوا تاكسي واحد ساق والاخر جذور
-زوج مهابل هربوا من مستشفى المجانين ركبوا سيارة الاول قال الثاني دور على اليمين قالوا الثاني دور انت راني نسوق
- واحد مجنون عيط في البرتابل ديالو لنميرو في الزهر جاوبت وحدة قالها هذا النميرو نتاع محمد قاتلوا لالا قالها مالا وعلاه تريبوندي.
-واحد مجنون حلق الموستاش دخل على صحابوا قالهم تصدقوا ماعرفتكمش
-واحد كذاب ادعى بلي راح لمكة يحج سقساه واحد قالوا واش شفت في الحج قالوا ابى جهل راكب bmw ماتركيل 49 عام 2012
أستاذ , كان يصحح في أوراق الإمتحان , لقى ورقة مكتوب فيها " يا أستاذ
أرجوك لا تفتح الورقة " , فلم يفتح الورقة لكن الفضول قتله , فتردد هل يفتح
أم لا وبعد ساعتين من التردد فتح الورقة فوجد مكتوبا فيها " فتحتها يا بن
الكلب ؟؟ "
قالك واحد لبس كوستيمة فور , وخرج برة يمشي , دار فيها قارو نسيم , جازت
عليه واحدة شابة بزاف , خبأ القارو في الجيب وهو شاعل , المهم شعلت فيه
النار جاتو هذ الشابة وقاتلو _ خو راك تشعل _ يعني راك تشتعل ,,, قالها :
خوك ديما يشعل <<< عندبالو قالتو راك تشعل بالنظافة
واحد دار عرس وعرض نساء بزاف , المهم اللي اسمها مليح كيما سارة , سوسو ,
ميمي , شاهيناز , يروحو لكار , واللي اسمها ماشي مليح كيما , خيرة ومرزاقة
والعلجة , يروحو لكاميو باش يديرو كورتاج, المهم كل ما تجي وحدة يسقسيها
صاحب العرس وش اسمك , تقولو سارة يقولها الكار , الأخرى واش اسمك ؟ , تقولو
زوينة يقولها الكاميو ,,, حتى جات وحدة قالها واش اسمك قاتلو فتيحة
ويعيطولي فاتي , قالها ديري دورة للكار وأرجعي للكاميوووووووو
.
جزار راح يخطب في وحدة ,تلاقى مع والد البنت , قالو شحال تعطيلي بنتك قالو 80 مليون , قالو علاه شحال راكم تحسبو في الكيلو ؟
واحد راح يخطب في طفلة , قالو باباها /: واش تخدم ؟ قالو : جارنا طبيب
واحد اسمو مفتاح لما مات دارهم ماحزنوش ومابكاوش عليه,كي صقصاوهم وعلاش ؟ قالوا : عندنا الدوبل
عجوز سقصات واحد " واش تخدم "؟ قالها طبيب أطفال , قالتلو وعلاش يا وليدي ماكنش عندك الدراهم تكمل قرايتك ؟
الأول : لدي ذاكرة قوية أي شيء يدخل في رأسي لا يخرج
الثاني : وكيف نسيت المال الذي أقرضته لك
الأول : هذا دخل جيبي ولم يدخل رأسي
قالك واحد طلع في طيارة , نهار طلعو وخلصوا جات المضيفة قاتلهم من داخ ؟؟
هز هذا السيد يدو قالها أنا عطاتو الدوا , ممبعد شوي زادت جات قاتلهم من
داخ قالها أنا , زادت عطاتو دوا , زاد شوي شوي جات قاتلهم من داخ ؟ قالها
أنا زادت عطاتلو الدوا , المهم وحد العشر مرات حتى مات السيد من الدوا بزاف
, نهار شافو بطاقة التعريف لقاو وسمو منداخ رابح
قالك واحد غلباتو مرتو ديما يغسل المواعن هو , واحد النهار راح لواحد صاحبو
قالو كيفاش ندير معاها قالو روح مزعف واصرخ عليها ضرك تخاف منك , أيا نهار
دخل للدار مزعف بدا يعيط قالها أسمعي يا خيرة ناضت هي ثاني تعيط قاتلو واش
تحب يا حمار قالها كشما مواعين نغسلهم
قالك واحد قتل مرتو , داوه للمحكمة , أيا صقصاه القاضي وعلاش قتلتها ,
قالو راها تخون فيا مع صاحبها , قالو القاضي كيفاش عرفت ؟ قالو شوف بطاقة
التعريف مكتوب فيها " إمضاء صاحبها "
وحد السيد قال لبوتفليقة : علاش ما نديروش حاجة في العلم الوطني انتاعنا
كيما في العراق دايرين الله أكبر و في السعودية دايرين لا اله إلا الله ,
قالو بوتفليقة واحنا واش نديرو ؟ قالو نديرو " الله غالب "
واحد كان لابس صباط تاع مليون , طلع في الكار , عفست عليه عجوز , قالها يا الحاجة راكي عافسة على مليون قالتو تاعي وين راها ؟
واحد الطفل ديما يروح لحانوت يقولو : عندك ملح ؟ اعطيني سكر . عندك قزوز ؟
أعطيني سعيدة , يصقصيه على حاجة ويدي حاجة أخرى , المهم وحد المرة كان جايز
باباه , عيطلو مول الحانوت قالو : ولدك راه يمرضني , يصقصي على حاجة ويدي
حاجة أخرى , قالو باباه : عندك عصا ؟ قالو ايه , قالو أضربو بكف
الرئيسية 
